1 Maji në Turqi me demonstrata, policia përleshet me demonstruesit! Blindohet Stambolli, 160 të ndaluar

Policia ka ndërhyrë me gaz lotsjellës kundër disa demonstruesve për ti penguar të marshonin drejt sheshit qendror Taksim në Stamboll, i bllokuar për festimet e 1 Majit.

Këtë e kanë raportuar media të ndryshme turke, me anë të disa videove të publikuara ku shihen aktivistët duke u përplasur me agjentët.

Pas tensioneve, grupet kryesore sindikaliste vendosën të mos marshojnë drejt sheshit Taksim. Mbi 160 aktivistë që tentuan të arrinin në zonat e bllokuara për demonstrata u ndaluan dhe u dërguan në kazermë për kontrolle.

Qendra e qytetit, por edhe lagjet e tjera, janë të rrethuara plotësisht nga  policia. Kalimtarët lejohen vetëm që të ecin, ndërsa shumica e dyqaneve janë të mbyllura, makinat nuk qarkullojnë ndërsa transporti publik nuk u ndalua në zonat qendrore të Stambollit.

Sekretari i përgjithshëm i partisë kryesore opozitare CHP, Ozgur Ozel dhe Ekrem Imamoglu, kryebashkiaku i Stambollit i rizgjedhur së fundmi me të njëjtën parti, kundërshtuan vendimin për mbylljen e sheshit Taksim për festimet. Ata u mblodhën së bashku me demonstruesit në selinë e bashkisë, në lagjen Saraçane, por policia nuk i ka lejuar të marshojnë drejt zonave të ndaluara për demonstrata.

Dje presidenti turk Rexhep Tajip Erdogan kishte kontestuar partitë opozitare se kishin kërkuar që të mund të festohej Dita e Punës në Sheshin Taksim, duke deklaruar se "organizatat terroriste duan ta shndërrojnë 1 majin në një mjet propagande me thirrjet e tyre" dhe se "është e qartë se këmbëngulja për të mbajtur një tubim në një zonë të ndryshme nga ato të lejuara nuk tregon qëllime të mira”.

Xh.K/N.Xh/Shqiptarja.com

TAG:
• Protesta
• turqi
• 1 maji